Әтисенең гомерен саклап калган

Уфа районының Октябрь районы хакимияте башлыгы Антон Тарасов социаль челтәрләрдә экстремаль шартларда югалып калмаган һәм әтисен коткарган мәктәп укучысының батырлыгы турында язган.

Билгеле булуынча,18 сентябрь кичендә Белорет районында Айыс авылы янындагы урманда әти кеше 10 яшьлек улы белән квадроциклда йөргән. Бер мизгелдә идарә итүне югалтып, әйләнеп капланган һәм транспорт чарасы астында калган. Ул аннан үзаллы чыга алган, ләкин җитди җәрәхәтләр аркасында хәрәкәт итә алмаган. Караңгы төшкән була, мобиль элемтә тотмый, шуңа күрә ярдәм чакырту мөмкинлеге дә калмый.

10 яшьлек Сергей Семенов паникага бирелми, мөстәкыйль рәвештә палаткалы лагерь кора. Алар шунда төн куна, ә иртән малай, ярдәм сорап, берүзе җәяү авылга китә. Ул Айыска кадәр юлны таба һәм коткаручыларны алып килә.

"Кайвакыт көч һәм батырлык бөтенләй көтмәгән җирдә барлыкка килә. Сергей Семенов чын батырлык кылган. Бездә лаеклы буын үсә, без аның белән горурланабыз. Бу – улларында ныклылык, мәхәббәт һәм ярдәмгә килергә әзерлек тәрбияләгән ата-ананың зур казанышы. Бу батырлыгы өчен без, һичшиксез, ун яшьлек Сергейны бүләкләячәкбез!" –  дип вәгъдә иткән Антон Тарасов.

Фото: Антон Тарасов, ТГ