Дәфтәр өйдә калган өчен “икеле” куярга ярыймы?

Укытучының укучы дәреслекне һәм дәфтәрне өйдә оныткан өчен электрон журналга икеле куярга хокукы бармы? Бу сорауга җавапны педагогика фәннәре кандидаты, Мәскәү дәүләт психология-педагогия университеты доценты Марина Ержевская җавап биргән.

“Юк. “Мәгариф турында" гы закон һәм мәктәпнең актлары бәяләүнең объектив булырга һәм укучының казанышларына нигезләнергә тиешлеген гарантияли.

Бәя укучының фән буенча белем һәм күнекмәләр дәрәҗәсен генә чагылдырырга тиеш, ә аның үз-үзен тотышын яисә башка җитешсезлекләрен түгел. Онытылган дәреслек һәм дәфтәр өчен канәгатьләнерлек булмаган билге хокуксыз булып санала”, – ди доцент.

Моннан тыш, һәр мәктәптә бәяләү системасын регламентлаучы локаль акт бар. Анда бәяләрнең ни өчен куелуы күрсәтелергә тиеш. Күпчелек очракта анда онытылган әйберләр өчен, шулай да уку процессы бозылган өчен икеле куюга нигез юк.

Автор фотосы.