Балалар Ватанны яратырга өйрәнеп үсә

Уфаның модельле 22нче балалар китапханәсе хезмәткәрләре 5нче лицейның 5нче сыйныф укучылары өчен «Русия державасының гербы, флагы һәм гимны турында» патриотик квиз-уены үткәрде. Китапханәчеләр башта Русиянең дәүләт символлары, аларның тарихы һәм халык өчен әһәмияте турында сөйләде. Аннары балалар 4 турдан торган кызыклы биремнәрне һәм сорауларны үз эченә алган квиз-уенда катнашты.

«Символлар чыганагы» дип аталган беренче турда укучыларга легендар герблар, флаглар һәм гимнның барлыкка килү тарихы турында сораулар тәкъдим ителде.

«Герблар һәм флаглар» турында укучылар төрле тарихи чорларның гербларын ачыклады, герб элементларының һәм флаг төсләренең эзлеклелеген дөрес төзи алды. Балалар шулай ук һәр төснең мәгънәсен дөрес билгеләде: ак төс – чисталык һәм намуслылыкны, зәңгәр төс — тугрылыкны, ә кызыл төс көч, кыюлык һәм Ватанга мәхәббәтне символлаштыра.

Аннары катнашучылар Русия гимнының тарихы, сүзләре һәм көйләре белән танышты Алар гимнның сүзләрен искә төшерде һәм кушылып җырладылар. «Көе һәм сүзләре» турында укучылар илебез өчен горурлык һәм патриотлык хисләре кичерде.

«Проектлаштыру» дип аталган финал этабында һәр команда үзенең герб яки флаг эскизын булдырды. Аннары төсләр һәм элементлар сайлауны аңлаттылар.

Барлык катнашучылар да үзләренең белемен, иҗатын һәм команда рухын күрсәтә алды. Уен барышында укучылар илебез символлары турында белемнәрен ныгытты. Патриотик квиз-уен Русия өчен бердәмлек һәм горурлык хисләре тудырды.

Зөлфия Гыйззәтуллина, китапханә мөдире.

Автор фотосы.