Китаптан укыйсызмы, әллә планшеттанмы?

Китап уку баш миенә, экраннан укуга караганда, сюжет детальләрен яхшырак аңларга һәм истә калдырырга ярдәм итә. Токио Университеты тикшеренүчеләре уку форматының баш мие эшчәнлегенә ничек йогынты ясавын өйрәнгән. Экспериментта 25 студент катнашкан, алар китапның бер өлешен кәгазь басмада һәм планшетта укыган. Аннары катнашучылар тарихның икенче өлешен баш миенә МРТ-сканлаштыру ясаган вакытта танышканнар һәм сюжет буенча сорауларга җавап биргәннәр.

Җавапларның төгәллеге ике төркемдә дә бертөрле булып чыккан. Әмма беренче өлешне планшеттан укыган катнашучыларга хикәяләүнең төрле өлешләрендәге мәгълүматны җыеп, сорауларга җавап бирү өчен күбрәк вакыт кирәк булган.

Баш миен сканировкалау шуны күрсәткән: китапның икенче өлешен укыганда кәгазь басма яратучыларның тел һәм бәйләнешле хикәяләү өчен җавап бирүче баш мие өлкәләре актив булмавын күрсәткән. Бу баш миенә яңа мәгълүматны аңлау һәм эшкәртү өчен азрак көч таләп ителүе турында сөйли.

Автор фотосы.