БДИда 70тән артык балл җыйсаң

БДИда 70тән артык балл җыйган чыгарылыш сыйныф укучылары Русиянең әйдәп баручы югары уку йортларына төрле әзерлек юнәлешләренә керү өмете бар, дип белдергән РИА Новости агентлыгына Мәскәүнең Плеханов исемендәге Русия энергетика университеты Югары икътисад мәктәбе җитәкчесе урынбасары Юлия Коваленко.

Эксперт сүзләренчә, 2026 елгы кабул итү кампаниясенең үзенчәлекләреннән берсе - имтиханнарда югары нәтиҗәләр алган укучылар санының артуы. Ул билгеләп үткәнчә, 70 балл һәм аннан югарырак нәтиҗәләргә ирешкән чыгарылыш сыйныф укучыларының илнең әйдәп баручы университетларына керү мөмкинлеге зур.

Коваленко шулай ук хәбәр иткәнчә, БДИның уртача баллы ел саен якынча ике пунктка арта. Аның фикеренчә, бу мәктәптә белем бирүнең сыйфаты яхшыруы турында сөйли.

Эксперт билгеләп үткәнчә, нәтиҗәләрнең артуы - дәүләт, мәктәпләр, педагоглар һәм ата-аналарның уртак эше нәтиҗәсе.

Элегрәк Хөкүмәт әгъзалары белән үткәрелгән киңәшмәдә Русия Президенты Владимир Путин мәгариф министры Сергей Кравцовның докладын тыңлады. Ведомство башлыгы хәбәр итүенчә, 2026 елда 330 мең чыгарылыш сыйныф укучысы БДИда 70тән артык балл җыйган, бу үткән ел белән чагыштырганда 52 мең кешегә күбрәк.

Автор фотосы.