+23 °С
Ясно
Мин — укучы!
20 Июля , 04:05
Җәйге урманда
Дуслар! Сез җәнлекләр, кошлар, бөҗәкләр тормышы белән кызыксынасызмы? Ягез әле, викторина сораулары аша үзегезне сынап карагыз.
Җәйге урманда
- Агулы гөмбәгә нинди бөҗәк исеме бирелгән?
а) кырмыска
б) чикерткә
в) чебен
г) черки
- Нинди агачның көз көне җимешләре дә, яфраклары да кызара?
а) нарат
б) имән
в) шомырт
г) миләш
- Нинди агач җилсез шаулый?
а) каен
б) чыршы
в) усак
г) тал
- Урманда нинди үсемлек аякка ябыша?
а) энҗе чәчәк
б) тукранбаш
в) бөрлегән
г) тигәнәк
- Агачларга зыян китерүче бөҗәкләрне юк итүче кош.
а) күгәрчен
б) тукран
в) сандугач
г) лачын
Динар Кәлимуллин фотосы.
