"Синең учың зуррак!"

****

• Әти, миңа савыттан көнбагыш алып бир әле?
• Нишләп үзең алмыйсың?
• Синең бит учың зуррак!

***

—Әни, безнең әбекәй бик куркак...

—Нигә алай дисең?

—Урамга чыккач, ул мине һәрвакыт җитәкләп йөри...

***

­—Менә сиңа ун кәнфит, яртысын сеңлеңә бир.

—Аңа өчне генә бирәм.

— Унның яртысы биш була. Әллә саный да белмисең?

— Мин беләм ул, ә сеңлем әлегә белми.

***

Әтисе, ачуланып:
– Вәли, нишләп синең географиядән кала бөтен фәннәрдән дә икеле?
Вәли, башын иеп:
– Чөнки географиядән әле сорамадылар.

***

– Алия, сиңа зоопаркта иң ошаганы нәрсә булды?

– Туңдырма!

***

– Улым, нишлисең?

– Мәсьәлә чишәм...

– Авырмы?

– Бик авыр, икенче ручка сынды инде.

Динар Кәлимуллин фотосы.