Математика белән дуслык китсә...

Башлангыч сыйныф укучылары өчен иң катлаулы фән булып математика танылган. “СанПиН” нормалары буенча, аның авырлык дәрәҗәсе 8 балл дип бәяләнә.

Икенче урында – урыс теле яисә туган тел, шулай ук чит телләр. Аларның һәркайсына 7шәр балл бирелгән. Информатика һәм әйләнә-тирә дөнья фәннәре 6шар балл җыйган.

Әдәби уку бераз җиңелрәк дип бәяләнгән – аңа 5 балл бирелгән.

Иң җиңел фәннәр арасында сынлы сәнгать һәм музыка бар – алар 3әр балл алган. Технология фәне – 2 балл, ә физкультура нибары 1 балл белән бәяләнгән.

Нәтиҗәдә, “СанПиН” нормалары буенча, башлангыч сыйныфта укучыларга иң зур йөкләнеш математика дәресләренә туры килә.

Фото: infourok.ru