Китап дөньясына сәяхәт

Уфаның модельле 22нче балалар китапханәсе хезмәткәрләре иң яшь китап укучылар өчен тылсымлы китап дөньясына ишекләрен ачты. Китапханәчеләр 18нче мәктәпнең 1Б сыйныфы укучылары өчен (сыйныф җитәкчесе Альбина Таһир кызы Еникеева) "Китап шәһәренә сәяхәт" дигән мавыктыргыч уен программасы үткәрде. Бу чара балаларның  китапханә белән беренче танышуын чын маҗарага әйләндерде.

Китапханәчеләр укучыларга китапларның могҗизалы йорты турында сөйләде. Балалар китапханәнең нәрсә икәнен, монда меңләгән тарихның ничек саклануын һәм ни өчен һәр китапның киштәдә үз урыны булуын белде. Яшь дусларыбыз китап иле кагыйдәләре турында кызыксынып тыңлады һәм ничек китап укучы булырга, формуляр ни өчен кирәк һәм ни өчен китапларны вакытында кире кайтару мөһим икәне турында төшенде.

Китапларның "авыруы" турындагы хикәя беркемне дә битараф калдырмады. Алар "еламасын " өчен, беренче сыйныф укучылары гади кагыйдәләрне истә тотарга вәгъдә итте: чиста куллар белән генә укырга утырырга, укыганда ашамаска, битләргә язмаска һәм кыстыргычлар кулланырга кирәк. Кечкенә сәяхәтчеләр “Читай-город” каршылыкларын дәртләнеп җиңеп чыкты. Алар "шәһәр халкы" табышмакларын чиште, библио-этикетны үзләштерде, "тылсымлы предметларны" сортларга аерды. Малайлар һәм кызлар иң мөһимен белде - уку яраткан дөньяларына ишекләрен ача, ә китапханә аларны яңа ачышлар өчен кунакка көтә.

Бәйрәм балаларда якты тәэссоратлар калдырды. Программа азагында һәр беренче сыйныф укучысы китапларның тугры дусты булырга һәм, һичшиксез, әти-әниләре белән бергә “Китап шәһәре”нә килергә вәгъдә итте.

Зөлфия Гыйззәтуллина.

#ЦСДБУфа#УфаКультура#библиотека22мечта #ПутешествиеВчитайГород#ЧитаемДети #НовыйУчебныйГод #КнигиДетям