Барлык яңалыклар
Әни, укы, мин тыңлыйм!
13 ноябрь 2019, 18:40

Картәтием коесы

Бүген “Әллүки” редакциясендә бик күп популяр җырлар, фәһемле, тәрбияви хикәяләр, повестьлар авторы Дилә апа Булгакова кунакта булды. Һәрвакыттагыча иҗат белән янып яшәүче шагыйрә киләчәккә планнары белән бүлеште. “Өр-яңа җырым табадан төште. Шуңа сөенәм. “Әллүки”не укучы балаларга да Яңа ел бүләге әзерләдем”, —диде Дилә апагыз. Сүзнең нәрсә турында барганын журналның декабрь санында белерсез. Ә әлегә Дилә апаның кечкенә хикәясе белән танышыгыз.

Дилә Булгакова
Картәтием коесы
Безнең өй алдында зур-зур буралы, имән капкачлы бер кое бар иде. Ул һәрвакыт ябык булды. Тәүдә хәтта йозакка да бикләнде. Сиртмәле коега күрше-тирәдәге апа-җиңгиләр суга йөрде.
Мин нәнәемнән: “Нигә алар безнең коега суга йөриләр, үзләренең коесы да бар ич”, — дип аптырап сорый идем. “И бәбәм, картәтиең исән чакта бураны үзе бурап, үзе казыгач, коедан баллы су чыкты”, — дип җаваплады.
Мин үскәч тә күршеләр безгә суга йөрүдән туктамады. Картәтием казыган коеның суы чынлап та татлы иде шул. Ә мин бәләкәй чакта , картәтием суыртып алган умарта балын коега салган да, шуңа безнең кое баллы булып калган икән, дип уйлый идем...
Фото:dilbarbulatova.ru
Читайте нас в