Туган телемә

Бүген — Халыкара туган тел көне. Кеше үз гомерендә күпме генә чит телләр өйрәнмәсен, ана сөте белән бирелгән тел һичкайчан онытылмый, иң кыйммәтле хәзинә булып, буыннан-буынга күчеп килә. Якташыбыз, Татарстанның халык шагыйре Роберт абый Миңнуллинның туган тел турында бик мәгънәле, матур шигыре белән сез дә танышыгыз әле, дуслар!

Роберт Миңнуллин

Туган телемә

Асыл сүзләреңне, туган телем,

Биреп торчы миңа азга гына.

Бөтенләйгә түгел — вакытлыча,

Тик җитәрлек гомер азагыма.

Синнән алган һәрбер сүземне мин

Күз карасы кебек саклар идем.

Ул сүзләрнең затлыларын сайлап,

Дога итеп кенә ятлар идем.

Ул сүзләрне җырга әйләндергәч,

Мин кайтарып сиңа бирәчәкмен.

Исраф булмас ул сүзләрең миндә;

Җыры булыр алар киләчәкнең.

Әйтә алмыйм әле — ул җырлардан

Аз булса да дөнья үзгәрерме?

Тик югалтам, туган телем, синнән

Алып торган асыл сүзләремне!

Фото:kazan.aif.ru

Читайте нас:

Новости партнеров

Шулай ук укыгыз

Баш мөхәррир: Фаил Камил улы Фәтхетдинов

Телефон

(347)272-62-19

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347)272-62-19

Кабул итү бүлмәсе

8(347)272-13-61

Хезмәттәшлек

8(347)272-62-19

Кадрлар бүлеге

8(347) 272-62-27