Барлык яңалыклар
Әни, укы, мин тыңлыйм!
22 февраль 2020, 16:40

Көлсылу

Дуслар, Сез “Көлсылу”, урысча әйтсәк, “Золушка” әкияте белән барыгыз да таныш, шулаймы? Балалар өчен матур шигырьләр, кызыклы әкиятләр язучы Люция апагыз ӘБЛИЕВА аның дәвамын язган. Хәзер инде үзе оныклар үстерүче Көлсылу әбекәй турында безнең сайтта укыгыз.

Люция ӘБЛИЕВА
Көлсылу
Борын-борын заманалар үтеп китеп, Көлсылу (Золушка) да инде оныклар үстереп ята икән, ди. Әкиятне үзенең авызыннан тыңлап үскән оныклары, беркөнне аңа мондыйрак сорау биргәннәр: “Карале, әби, теге вакытны туфли нишләп синең аякка гына яраган, үги кыз туганнарыңның белән синең аяк үлчәме бертигез булган бит?”
Көлсылу әбиләре кеткелдәп көлеп куйган да, болай дип җавап биргән, имеш: “И, балалар, эш бит аяк үлчәмендә түгел! Мин бит бервакытта да эшсез утырмадым, гел хәрәкәттә булдым. Ә минем үги кыз туганнарымның тик утырудан аяклары шешенгән булып чыкты. Шуңа күрә аларның берсенә дә бабагыз кулындагы туфли ярамады. Бәхетле буласыгыз килсә, хәрәкәттә булыгыз, хәрәкәттә - бәрәкәт. Вәт!”
Фото:illustrators.ru