+1 °С
Болытлы
Барлык яңалыклар
10
Әни, укы, мин тыңлыйм!
28 апрель 2020, 11:00
Кәкре каенга терәткән
Әкиятләр укырга, тыңларга яратучы дусларыбызны иртә белән сөендермәкче булдык. Сезнең игътибарга - татар халык әкияте. Укыгыз, сабак алыгыз.
Кәкре каенга терәткән
Татар халык әкияте
Борын заманда бер алдакчы кеше булган, ди, теләсә кемне алдалый ала икән, ди. Үзен бик акыллыга санап йөргән тагын бер бай кеше бар икән, ди. Шул Кеше әйтә икән:
— Мин шул Алдарга очрасам, аны һич тә алдатмас идем, — ди икән.
Бервакыт бу Кеше юл буйлап барганда, күрә: юл буенда әлеге Алдар бер кәкре каенны терәтеп тора, имеш. Бу аның янына барып сораган:
— Дус, сине алдарга бик оста дип әйтәләр, мине дә алдый алырсыңмы икән, йә алдап кара әле,— ди. Алдар әйткән:
— Нигә сине алдый алмам икән? Бик тиз алдар идем дә, янымда алдар капчыгым юк шул, өйдә калды,— дигән. Бу Кеше, үзенең уяулыгына ышанып, Алдарга әйткән:
— Бар, өеңнән капчыгыңны алып кил, мин монда көтеп торырмын, — дигән. Алдар аңа әйткән:
— Өйгә бик кайтыр идем дә, менә бу каен аварга тора, китәргә ярамый бит, — дигән. Кеше бик үрсәләнеп:
— Зинһар, капчыгыңны китерсәнә, син килгәнче, каенны үзем терәтеп торырмын, — дип, кәкре каенны терәп калган.
Алдар шул китүдән кире әйләнеп килмәгән, ди. Ә бу Кеше әле дә булса кәкре каенны терәп тора, ди.
Фото: zen.yandex.ru/media/id/5ce825271fc32f00b38a86a4
Читайте нас:
