+21 °С
Болытлы
Журналга язылу
Барлык яңалыклар

Җен күрдем

Өйдәге куыклы лампаның мае беткәч, нәнәем миңа сарайдан унлы лампаны алып керергә кушты...

Җен күрдем
Җен күрдем

Дилә Булгакова

Җен күрдем

Өйдәге куыклы лампаның мае беткәч, нәнәем миңа сарайдан унлы лампаны алып керергә кушты. Күптән көтү кайткан иде инде. Мал-туарның төрлесе төрле якта күшәп ята.

Яртылаш кына ачык капкадан башны тыгып лапас эченә күз салуым булды, котым очты: ике зур күз ут чәчеп тора. Үзем белгән, нәнәем өйрәткән доганы укый-укый, аягыма өстерәгән зур резина галошларны төшереп калдырып, өйгә атылдым. Керү белән нәнәемә: «Абзарда җен күрдем, – дидем. – Ут чәчә-чәчә өстемә килә. Ярый әле, нәнәем, син өйрәткән дога искә төште». Нәнәем калтыранган гәүдәмне кочагына алды: «И зур кызым, җен-пәри түгел, сарайда Мияубикәбез булгандыр. Тычкан тотарга чыга ул. Курыкма, догалы кызларга җеннәр тими ул», – диде.

Икенче көнне мин кара сарафанлы, ак кофталы ут күзле Мияубикәбезне тотып алдым да өч тапкыр колагына кычкырдым: «Җен! Җен! Җен!»

Бу исемгә барыбер өйрәнеп китте соңыннан безнең Җен!

Еллар үтсә дә, укыган догам истә! Ул җен-пәри шаукымыннан булмаган икән, ә күз тимәсен өчен укый торган дога булган.

 

Фото:storyfox.ru

Автор:Юлия Төхбәтуллина
Читайте нас в