Барлык яңалыклар
Әни, укы, мин тыңлыйм!
18 сентябрь 2022, 10:40

Ялкау өчен ботка суынган

Төш җиткәнне, ботка пешкәнне көтеп утырсаң, шулай була ул...

Ялкау өчен ботка суынган
Ялкау өчен ботка суынган

Идрис Туктар

Ялкау өчен ботка суынган

Хикәя

Җиңнәребезне сызганып, без эшкә киттек.

Кашык кадәр генә көрәгенә таянып, Ялкау очрады.

— Болай ашыгып кая барасыз? — дип сорады ул бездән.

— Эшкә барабыз, — дидек.

— Мин дә сезнең белән барыйммы, әллә ботка пешкәнне генә көтимме? — диде Ялкау.

— Төш җиткәнче, ботка пешкәнче эшләп алыйк, син дә бездән калышма, — дидек Ялкауга.

— Сез эшкә барып җитеп, әйләнеп кайтып та өлгермәссез, мин дә сезнең артыгыздан куып җитәрмен, — дип, Ялкау баскан урынында йокымсырап калды.

Эшләдек. Арыдык. Ботка ашарга дип кайттык. Көрәк кадәр зур кашыгын күтәреп, Ялкау тагын очрады.

— Ботка суынмас борын, мин дә ашыктым, — диде Ялкау.

— Ялкау өчен ботка күптән суынган, — дип, без ботканы үзебез генә ашап бетердек.

 

Фото:perunica.ru

Автор:Юлия Төхбәтуллина
Читайте нас: