Оныгы да ил тынычлыгы өчен көрәшә

Патриот сүзе ул – үз Ватаныңны ярату дигәнне аңлата. Безнең илебез, аның данлы тарихы патриотларга бай. Шуларның берсе – минем бабам Кәшфулла Сәмигулла улы Нигъмәтуллин. 1923 елның 5 сентябрендә Бүздәк районының Шланлыкүл авылында күпбалалы гаиләдә өченче бала булып дөньяга килә. Дүрт класс тәмамлый. 1941 елның 15 сентябрендә фронтка алына. 1945 елның 3 маенда бабам Польшага кадәр барып җитә. Андагы басуларны үткәндә минага баса, бер аяксыз кала. Ул бик озак госпитальдә ята. 1947 елда гына яңадан туган якларына әйләнеп кайта.Ул батырлык, 1 дәрәҗә Ватан сугышы орденнары белән бүләкләнә.
Бүгенге көндә бабамның юлын оныгы да кабатлый. Алмаз Рәдиф улы Нигъмәтуллин Чечен сугышында катнаша, әлеге вакытта махсус хәрби операциядә ,  Херсон юнәлешендә хезмәт итә.

Без патриотларыбыз, чын батырларыбыз белән горурланабыз! Аларның даны мәңге йөрәк түрләрендә сакланыр.
Азалия Рөстәмова,

3 нче сыйныф укучысы.

Бүздәк районының Каран урта мәктәбе.

Фото гаилә архивыннан.