Дәрестә укыр урынга...

Бу хәл узган елның февралендә Ярославль мәктәпләренең берсендә булган. 7нче сыйныф укучысы математика укытучысын, педагогның ризалыгыннан башка, эш урынында видеога төшергән. Аннары үсмер ясалма интеллект кушымтасын кулланып, видеоны үзгәрткән: нейрочелтәр ярдәмендә педагогның йөзе һәм фигурасы ир-егетнекенә әверелгән. Әзер роликны укучы мессенджердагы сыйныф чатына урнаштырган. Ә педагог судка мөрәҗәгать иткән.

 Судта малайның әти-әнисе видеоның улларыныкы булуын кире какмаган. Алар аңлатырга тышканча, үсмер сюжетны үзе уйлап чыгармаган, ә социаль челтәрләрдә популяр трендтан файдаланган. Алар фикеренчә, баланың гамәлләрендә бернинди явыз ният яисә укытучыны хурлау максаты булмаган, ә конфликт укытучының укучыны яратмавы аркасында килеп чыккан.

Ярославль өлкә суды укытучы ягына баскан һәм укучының әти-әнисен компенсация түләргә мәҗбүр иткән. Мәктәптә дәрес укыр урынга кирәкмәгән эш белән шөгыльләнсәң, шулай була ул...

Автор фотосы.