Барлык яңалыклар
Русия киңлекләрендә
13 февраль 2020, 22:55

Бала йокысын бүлгәннәргә – штраф!

Фатирда көн буена музыка акыртучыларга, күңел ачырга яратучыларга, бетмәс-төкәнмәс ремонт эшләүчеләргә тынычланырга туры киләчәк.

Федерация Советы Русия Административ хокук бозулар турындагы кодекска төзәтмәләр кертергә җыена. Закон проекты әзер һәм ул тиздән Русиянең Юстиция министрлыгына юнәлтеләчәк.
Әлеге закон нигезендә Русиядә тәүлекнең 13:00 – 15:00 һәм 19:00 – 09:00 сәгатьләрендә тавышланырга ярамаячак. Бу кагыйдә ял һәм бәйрәм көннәренә дә кагыла.
Нормативларны бозган өчен физик шәхесләргә – 500дән 3 мең сумга кадәр, вазыйфалы кешеләргә – 10 меңнән 20 мең сумга кадәр, шәхси эшкуарларга 10 меңнән 25 мең сумга кадәр, юридик шәхесләргә 20 мең сумнан 40 мең сумга кадәр административ штраф яный.
Төзәтмәләр кертүнең төп максаты – балалы гаиләләрнең тыныч тормышка хокугын яклау.
Фото:primgazeta.ru