Президентның сәламәтлеге ничек?

“Эш күләме артуга карамастан, Владимир Путин үзен яхшы хис итә”, дип белдерде Беренче каналдагы "Большая игра" программасы эфирында дәүләт башлыгының матбугат секретаре Дмитрий Песков.

"Сез моны эш графигы буенча күрәсез. Әлбәттә, күпкә интенсиврак эшләргә туры килә", - дип өстәде ул.

Матбугат секретаре билгеләп үтүенчә, барлык элемтәләр дә видеоконференцияләр режимында узса да, чаралар, гадәттәгедән хәтта күбрәк тә. Президент хакимияте хезмәткәрләрен көн саен коронавируска тикшерәләр.