Коронавирус илнең 85 субъектына да үтеп керде

Русия Президенты Владимир Путин, профилактика чаралары аркасында беркадәр тоткарлый алсалар, яңа коронавирус эпидемиясенең ил буйлап таралуын ассызыклады.

"Хәл катлаулы булып кала, эпидемиянең таралуы дәвам итә, коронавирус йоктырган гражданнар саны арта, бүген ул илнең барлык 85 субъектында да теркәлгән ", - дип белдерде Президент санитар-эпидемиологик хәл буенча киңәшмәдә.

Дәүләт башлыгы илдә, эпидемиягә каршы көрәш нәтиҗәсендә, аның таралуын беркадәр акрынайта алуга ирешелде, дип ассызыклады.

“Тик бу безне тынычландырырга тиеш түгел. Коронавирус белән авыруның иң югары ноктасы әле алда”, - дип кисәтте Владимир Путин.

Президент коронавирус белән көрәштә төбәкләрнең иң яхшы тәҗрибәләрен үрнәк итеп алу һәм аны бөтен ил буенча кертү бурычы куйды. Уңай мисал итеп ул Кемерово өлкәсе губернаторы Сергей Цивилевның эш тәҗрибәсен билгеләп үтте.