Барлык яңалыклар

Михаил Мишустин коронавирус йоктырган

Бу хакта ул Русия Президенты Владимир Путинга хәбәр итте.

Русия Хөкүмәте рәисе Михаил Мишустин коронавирус инфекциясен йоктырган. Бу хакта ул Владимир Путинга видеоконференция режимында узган киңәшмәдә хәбәр итте, дип яза Кремльнең матбугат хезмәте.
“Хөрмәтле Владимир Владимирович, әле генә мин коронавируска тапшырган тестларның нәтиҗәләре уңай икәнлеге билгеле булды. Шуңа бәйле рәвештә, Роспотребнадзор таләпләре нигезендә, мин үз-үземне изоляцияләүне һәм табиблар күрсәтмәләрен үтәргә тиеш. Моны хезмәттәшләремне авырудан саклап калу өчен эшләргә кирәк”, — диде Хөкүмәт рәисе.
Михаил Мишустин үз бурычларын вакытлыча башкаручы итеп беренче урынбасары Андрей Белоусовны тәкъдим итте. Владимир Путин бу тәкъдимне хуплады һәм аңа тизрәк савыгуын теләде.
Фото:kremlin.ru
Читайте нас: