Президент Алинә Заһитованы котлады

Русия Президенты Владимир Путин дөнья, Европа һәм Олимпия чемпионы, фигуралы шуу остасы Алинә Заһитованы 18 яше белән котлаган. Бу хакта Русиянең Тимераякта фигуралы шуу федерациясе матбугат хезмәтенә сылтама белән ТАСС агентлыгы хәбәр итә.

Дәүләт башлыгы Алинә Заһитовага туган көне уңаеннан котлау телеграммасы юллаган. Президент билгеләвенчә, спортчы, яшь булуына карамастан, илебез фигуралы шуу мәктәбе традицияләрен лаеклы дәвам итте, күренекле уңышларга иреште.

"Эшкә сәләтлелек, талант һәм җиңүгә омтылыш Сезгә киләчәктә дә спортта да, тормышта да ярдәм итәчәгенә ышанам", — диелә котлау телеграммасында.