Безнең егетләр лаеклы хезмәт итә!

“Кадерле дуслар! Сезне чын күңелдән Ватанны саклаучылар көне белән котлыйм!

Бу бөтенхалык бәйрәме барлык буын русиялеләрне берләштерә, батырлык, Ватанга мәхәббәт, аны яклауга басарга әзерлек символы булып тора.

Без хәрби хезмәтне намус белән алып баручыларга, намуслы хезмәтләре белән оборона-сәнәгать предприятиеләрендә Ватаныбызның ышанычлы калканын ныгытучыларга рәхмәт белдерәбез. Бөек Ватан сугышы ветераннары, тыл хезмәтчәннәре, сугышчы-интернационалистлар, локаль конфликтлар ветераннары батырлыгы алдында баш иябез. Солдат һәм офицерларның әниләре һәм хатыннары – гаилә учагын саклаучылар, Ватанга тугры уллар һәм кызлар тәрбияләүче ата-аналар ихлас рәхмәт сүзләренә лаек.

Башкортстанда патриотик тәрбия бирүнең бай традицияләре бар. Бездә меңнән артык хәрби-патриотик клублар, юнармиячеләр һәм эзләү отрядлары, кадет мәктәпләре һәм сыйныфлары бар. Узган ел безнең республикадан 9 меңнән артык егет хәрби хезмәткә алынучы армия һәм флотны тулыландырды. Безнең якташларыбыз гаскәрләрнең барлык төрләрендә дә диярлек лаеклы хезмәт итәләр. Без Русия Кораллы Көчләренең хәрби әзерлеге югары дәрәҗәдә дип ышана алабыз.

Без бергә республикада, илдә тормыш чәчәк атсын һәм бәхетле булсын өчен бөтен көчебезне куячакбыз.

Сезгә ныклы сәламәтлек, иминлек, тыныч күк йөзе һәм иң изге теләкләр телим!” – диелә котлауда.