Укытучыларга хезмәт хакын яңача түли башлыйлар

Русия Мәгариф министрлыгы укытучыларга хезмәт хакын түләүнең яңа системасы өстендә эшли. Русиянең өч төбәгендә бу уку елыннан тәҗрибә башлана: укытучыларга хезмәт хакын яңача түли башлаганнар.

"Хезмәткә түләүнең яңа системасы буенча пилот проекты кысаларында өч төбәк сайланды, һәм бу уку елыннан башлап анда хезмәт хакын исәпләүнең бердәм критерийларын булдырачакбыз", — дип хәбәр итте мәгариф министры Сергей Кравцов.

База оклады, стимуллаштыру һәм компенсация түләүләре исәпкә алыначак. Хәзер хезмәт хакының 70 проценты фиксацияләнгән, ә 30 проценты — стимуллаштыручы түләүләр булачак.

Министр белдерүенчә, педагогларның хезмәт хакы, тигез булмаган түләүләрдән тыш, үтәкүренмәле булырга тиеш.

Бөтенрусия ата-аналар җыелышында Сергей Кравцов: “Мәгариф министрлыгы өчен төп бурыч – хезмәт өчен түләүнең яңа системасын булдыру, чөнки лаеклы һәм аңлаешлы керем укытучы һөнәренең абруен күтәрүдә төп пункт”, — дип белдерде.