БӘЙРӘМДӘ

БӘЙРӘМДӘ Иске елны озатырга Җыйнаулашып без килдек, Кыш бабай белән биедек, Карсылу белән көлдек. Җырлый белгәннәр җырлады, Белмәгәннәр тыңлады. Бакчабызда кичкә чаклы Шат авазлар тынмады. Күңел ачтык бергәләшеп, Әйлән-бәйлән уйнадык. Бәйрәм вакыты кыска шул, Без уеннан туймадык. Кыш бабайдан әллә күпме Бүләк, күчтәнәч алдык. Елга бер килгән бәйрәмнән Бик тә канәгать калдык. Гөлфизә Кәлимуллина.