Барлык яңалыклар
Шигъри күчтәнәч
22 Май 2019, 14:10

Бер яшькә үстем

Дуслар! Дүртөйле шәһәрененнән шигъри күчтәнәч килде. Рәхим итеп укыгыз!

Әнием мине
Иркәләп сөйде.
“Җиде яшьлек кыз
Булдың бит”, — диде.
Бигрәк яратам
“Син зур”, — дигәнне.
Әти-әнием
Назлап сөйгәнне.
Тик сыйныфташлар
Миннән олырак.
Нигә соң алар
Озын буйлырак?
Мин дә еш кына
Үлчәнеп алам.
Саннар үзгәрми,
Аптырап калам.
Быел бакчадан
Мәктәпкә күчтем.
Менә шулай мин
Бер яшькә үстем.
Иптәш кызларым
Шуңа зур булган.
Аларга инде
Сигез яшь тулган.
Клара САФАРОВА.
Дүртөйле шәһәре.