+18 °С
Болытлы
Журналга язылу
Барлык яңалыклар
Шигъри күчтәнәч
24 апрель 2020, 16:35

Почмакта торам

Дуслар, арагызда почмакта торуның ни икәнен белүчеләр бармы?

Роберт Миңнуллин
Почмакта торам
Әни почмакка
Бастыра мине,
Нигә икәнен
Беләсез инде!
Чыкмый тыным да,
Еламыйм хәтта.
Елау турында
Уйламыйм хәтта.
Торам төз генә,
Телләшми генә,
Сер бирми генә,
Сөйләшми генә.
Әзер мин монда
Көн дә торырга –
Өйрәнәм бит мин
Солдат булырга!
Солдат булырга –
Сакта торырга!
Фото:wday.ru
Читайте нас: