Көзге табын

Көзге табын

Көзге табын — бай табын,

Кыяр, карбыз һәм кавын

Телем-телем теленгән,

Өем-өем өелгән.

Алмалары ал төсле,

Балкып туган таң төсле.

Капсаң эри авызда,

Һәр кисәге бал төсле.

 Ә җимеше, җимеше, —

Ачысы бар, төчесе!

Яңа пешкән күмәчтер

Кайнар кояш төслесе.

Әткәм кебек тырыш көз,

Әнкәм кебек юмарт көз.

Көзләр юмарт булганга,

 Бик бәхетле, бик шат без.

Фәнис Яруллин

Фото:goodfon.ru