Солдат һәйкәле

СОЛДАТ ҺӘЙКӘЛЕ

Авыл уртасында солдат тора,
Автоматын кысып кулына,
Батырлыкның саф өлгесе булып,
Ядкарь булып килер буынга.
Шушы һәйкәл авылдашларымның
Истәлеге өчен куелган.
Исемнәре мәрмәр ташка,
Җуелмаслык итеп,уелган.
Чит җирләрдә ятып калсалар да,
Тере кебек һаман үзләре,
Шушы солдат аша җиткерәләр
Киләчәккә әйтер сүзләрне.
Авыл уртасында һәйкәл тора,
Быргысы бар аның кулында.
Чакыргандай быргы тавышлары
Ил сагында уяу торырга.

Рәсимә Ильясова.

Динар Кәлимуллин фотосы.