Диңгездә

Дилә БУЛГАКОВА

Диңгездә

Әти, әни, энекәш,

Диңгезгә бардык бергә.

Балыклар – төрле төстә,

Йөзә, курыкмый бер дә.

Мин дә диңгезгә керәм,

Әй шатланам, әй көләм!

Тирән, диләр, диңгезне,

Ярда минем билемнән.

Татып карадым суын –

Эчәрлек түгел, тозлы!

Кем соң монда тоз салган,

Кайсы кибеттән алган?

Көндез кояш кыздыра,

Суны җылытыр өчен.

Диңгез җылынгач, үзе

Су керә, төшеп кичен.

Автор фотосы.