Кар бабайга ни булган?

Равил НАСЫЙБУЛЛИН

Кар бабайга ни булган?

Гата кичә кич буена

Кардан әвәләп,

Кар бабай ясаган иде

Сырлап-бизәкләп...

Башында ап-ак кардан

Тора  бүреге.

Ә  күзләре урынында –

Агач  күмере.

Өйдән кишер алып чыгып

Борынын куйды.

Ә кулларын ап-ак кардан

Әвәләп куйды.

Мәктәптән кайтып керүгә

 Аптырады Гата –

Кар бабай торган урында

Кишер генә ята...

Мәктәптә гел янып-пешеп

Укыганга микән –

Көн җылынып, Кар бабае

Эреп беткән икән...

Автор фотосы.