Алинә урынына кем киләчәк?

Фигуралы шуу остасы Алинә Заһитова беренче каналда «Ледниковый период» спорт-күңел ачу тамашасының яңа сезонында алып баручы булмаячак. Бу хакта “Sport24” хәбәр итә.

Шоуның яңа алып баручылары билгеле инде, алар — Евгения Медведева һәм Алексей Ягудин. Яңа сезонда гимнастлар Арина һәм Динә Аверина, видеоблогер һәм җырчы Валя Карнавал, актриса Ангелина Стречина, T-Killah рэп-башкаручысы, актер Артур Сопельник һәм эстрада музыканты Ярослав Сумишевский катнашырга тиеш, дип көтелә.

Алинә Заһитова 2020 елдан алып «Ледниковый период»ның алып баручысы булды, ул өч сезон эшләде. Аның белән бергә Алексей Ягудин һәм Анна Щербакова да бу тамашаны алып барды.

«Ледниковый период» телевизион шоуы 2007 елдан бирле күрсәтелә. Соңгы тугызынчы сезон 2023 елның гыйнварында тәмамланды. Аның җиңүчеләре актриса Елизавета Арзамасова һәм бозда бию буенча дөнья чемпионы Никита Кацалапов булды.

Евгения Медведева исә  шоуның тугызынчы сезонында катнашты һәм икенче урынны алды. Ул актер Федор Федоров белән чыгыш ясады.

«Ледниковый период»ның яңа сезоны кайчан башлануы турында әлегә хәбәр ителми.

Фото: championat.com