Кузгалак пирогы

Камыр өчен алабыз:

кибет каймагы — 200 грамм;

шикәр — ярты стакан;

акмай — 100 грамм;

камыр көпшәкләндергеч — 1 чәй калагы;

он — якынча ике стакан.

Барлык ингредиентларны салып, йомшак кына итеп камыр басабыз. Аннары 20 минутка ял итәргә куябыз. Шул арада эчлек әзерләнә.

Эчлек өчен кузгалакны юып, суын саркытып, турыйбыз һәм тәменчә шикәр кушып бутыйбыз. Юка гына телемләп 1-2 алма кушып җибәрергә дә була.

Камырны артык юка итми генә җәябез. Пирог ясап, читләрен бөгеп чыккач, газ миченә озатабыз. 20-25 минуттан хуш исле, тәмле пирог пешеп тә җитә. Табынга суынгач чыгарырга кирәк.

Чәйләрегез тәмле булсын!

Фото:edimdoma.ru