“12 кашык” – тел йотарлык тәмле пирог!

Монда төп үлчәгеч – аш кашыгы.

Ингредиентлар (18 см диаметрлы формага):

- он - 12 аш кашыгы (аз гына өеп);

- шикәр комы - 12 аш кашыгы;

- көнбагыш мае - 12 аш кашыгы;

- сөт - 12 аш кашыгы;

- йомырка - 3 данә;

- камыр көпшәкләндергеч - 10 грамм;

- кыргычтан чыгарылган ярты әфлисунның яисә лимонның кабыгы.

Әзерлек барышы: 

* Йомыркны шикәр комы белән күпертегез. Үсемлек мае, сөт салыгыз, яхшылап бутагыз.

* Иләнгән он һәм камыр көпшәкләндергеч салыгыз. Каймак куелыгында камыр килеп чыгарга тиеш.

* Лимон яисә әфлисун кабыгы салып, бутагыз. Алар урынына телемләп ике алма салырга да була.

* Пирогны 180 градуска кадәр җылытылган духовкада 30-35 минут пешерегез.

Бисквитны тортлар өчен дә кулланырга була. Ул бик тәмле, йомшак килеп чыга.

Чәйләрегез тәмле булсын!

Фото: souspark.ru