Манный боткасын тәмле итеп әзерли беләсезме?

Манный боткасын яратмаган кеше аздыр, мөгаен. Бу ярмада витаминнар башка ярмаларга караган­да азрак. Әмма ул җиңел үзләштерелә. Шуңа да аны балаларга, ашказаны һәм эчәк авы­рулары белән чирләгән кешеләргә ашарга киңәш ителә.

Сөткә генә, тәмле итеп, төерсез ботка әзерләү өчен кирәк:

Манный ярмасы – 7-8 чәй калагы;

Сөт – 400 грамм;

Шикәр – 4 чәй калагы;

Тоз – ярты чәй калагы яисә тәменчә;

Акмай – 25 грамм.

Әзерләү барышы:

Калын төпле кәстрүлгә салкын сөт салыгыз. Аннары манный ярмасын салып, яхшылап бутагыз һәм 15-20 минутка алып куегыз. Манный бүртеп китәчәк.

Пешер алдыннан бутагыз һәм талгын утка куегыз, тоз, шикәр өстәгез. Кайнап чыккач,  бутый-бутый 6 минут тирәсе пешерегез.

Уттан алгач, май салыгыз һәм яхшылап бутап алыгыз.

Болай әзерләнгән манный боткасы сыек кына, йомшак һәм тәмле булачак.

Фото: photorecept.ru