Сырлы таякчыклар

Кирәкле ингредиентлар:

250 гр каты сыр;

2 йомырка;

100 гр он;

200 гр панировкалау өчен сохари;

300 мл үсемлек мае.

Әзерләү барышы:

1. Сырны озынча турыпочмак (10 см х 1 см) ясап кисеп чыгабыз. Гауда, моцарелла, сулугуни кебек сырлар белән яхшырак килеп чыга.
2. Хәзер бер тәлинкәгә он салабыз.
3. Икенчесенә 2 йомырка сытып салабыз һәм яхшылап болгатабыз.
4. Өченче тәлингәгә сохарины салабыз. Сохариның эрерәк төелгәнен алыгыз.
5. Һәр сырны башта онда, аннан йомыркада, аннан яхшылап сохарида әвәлибез.
6. Калын төпле табага үсемлек мае салабыз һәм яхшылап кыздырабыз. Кызган майга 1-2 сырлы таякчыкны салабыз һәм алар алтынсу төскә кергәнче (1-1,5 минут) кыздырабыз.
7. Сырлы таякчыкларны майдан алып, кәгазь салфетка өстенә тезәбез. Бу май кәгазьгә сеңсен өчен кирәк.
8. Сырлы таякчыкларны өстәлгә кетчуп яки башка берәр соус белән куярга, яшел үләннәр белән бизәргә мөмкин.

Тәмле булсын!

Фото: gotovim-edim.ru