Юка пешерәбезме?

Бу камыр ризыгын кайбер якларда юка дисәләр, кемнәрдер җәймә яисә кабартма, ди. Кайбер районнарда көлчә дип тә йөртәләр икән.

 Аны пешерү өчен 1 стакан катык, 3 аш кашыгы көнбагыш мае, 3 аш кашыгы шикәр комы, 1 бал кашыгы тоз, 1 йомырка, 1 бал кашыгы аш серкәсе белән сүндерелгән сода, он кирәк булачак.

Камырны йомшак итеп кенә басарга, аннары алты-җиде өлешкә бүләргә. Артык юка итмичә генә, таба зурлыгында җәеп, газ өстендә майлы табада ике яклап пешереп алырга кирәк.

Фото: m.dom-eda.com