Гает бәйрәменә – тәмле тәбикмәк

Аш-су остасы Мәрьям Миңнегулова рецепты буенча әче камырга әзерлзнә торган тәбикмәк бик тәмле килеп чыга. Сез дә пешереп карагыз, дуслар.

Кирәк булачак:

3 аш калагы җылы су

1,5 чәй калагы коры чүпрә

2 стакан җылы сөт

2 аш калагы шикәр комы

1 чәй калагы тоз

2 йомырка

2 стакан он

0,5 чәй калагы чәй содасы

Эш барышы: 1,5 чәй калагы коры чүпрәгә ярты чәй калагы песок, 3 аш калагы җылы су салып күпертеп алабыз.

2 стакан җылы сөткә 2 аш калагы шикәр комы, 1 чәй калагы тоз, 2 йомырка, күпереп менгән чүпрә, он салып камыр изәбез.Әчетергә җылы урынга куябыз. Әчеп менгәч ярты чәй калагы чәй содасын бер стакан кайнар суга салып камырга салабыз, тиз генә камырны болгатабыз. Камыр әзер, тәбикмәкләрне пешерергә була. Коры табада пешерәбез, ак май белән майлап табынга куябыз.

Тәмле булсын, дуслар!

Автор фотосы.