Кычыткан ашы пешердегезме әле?

Кычыткан ашы — витаминлы аш. Аны май аенда бер-ике тапкыр пешереп ашасаң, файдасы ел буена җитә, дип әйтә иде нәнәйләр.

 Аш-су блогеры Мәрьям Миңнегуловадан кычыткан ашы рецепты тәкъдим итәбез, дуслар.

Ит шулпасы кайнатырга, сөзәргә, шулпага бер-ике бәрәңгене саламлап турап салырга. Майда кыздырылган кишер белән суганны да кушып җибәрергә.

Яңа гына җыйган кычыткан яфракларын юып, кайнар су белән пешекләргә, аларны вак итеп турарга һәм дүрт-биш йомырка салып тугларга. Шулпага йомыркалы кычыткан яфракларын салырга, кайнап чыккач та бераз сүрән утта тотарга. Дәфнә яфрагы салырга онытмагыз.
Бу язгы аш файдалы да, тәмле дә була!


Автор фотосы.