1 литрлы банкаларда кыяр тозлыйбыз

1 литрлы банкалар өчен вак кыярлар сайлагыз. Аларны иң элек юып, 3-4 сәгать салкын суда тотабыз. Аннары башларын кисеп алабыз. Яхшылап юылган һәм парландырылган банка төбенә 1-2 тырнак сарымсак, чия, карлыган яфраклары, орлыклы укроп, 4-5 данә кара борыч, 1-2 канәфер салабыз.  Кыяларны тыгызлап банкаларга тутырабыз һәм өстенә кайнар су коеп, 15 минутка капкач каплап куябыз, аннары бу суны түгәбез.

Бу вакытта маринад әзерлибез. 1 литр суга 2 аш кашыгы шикәр, 1 аш кашыгы тоз салып, кайнатып чыгарабыз. Иң соңыннан 2 аш кашыгы аш серкәсе салабыз. Кайнар маринадны банкаларга коеп, капкачларын ябабыз һәм суынганчы төреп куябыз.

Фото: vkusnyblog.com