Чияне үз сутында әзерлибез

Җиңел генә ысул белән чияне үз сутында кышкылыкка ябабыз, дуслар. Иң элек җимешләрне юып, суын саркытып, төшен алабыз. Стерильләштерелгән 0,5-0,7 литрлы банкалар һәм капкачлар әзерләп куябыз.

Бу рецептта 1 килограмм чиягә 300 грамм шикәр алына. Төшләре алынган чияне шикәр белән бутап, берничә сәгатькә калдырабыз. Аннары утка куеп, кайнатып чыгарабыз һәм стериль банкаларга салып чыгабыз. Капкачын каплап, бер тәүлеккә төреп куябыз.

Фото: patee.ru