Каймакта пешкән тавык ите

Кирәк булачак:

20 гр акмай —

1 баш суган

1 болгар борычы

200 гр сөт өсте (сливки) яисә кибет каймагы

450 гр тавык ите

каты сыр

укроп, петрушка

 тоз, борыч

Әзерләү барышы:

Акмайны табада эретәбез, шунда вак итеп туралган суганны җиңелчә кыздырабыз. Озынчалап турап туралган тавык ите өстибез, 3-5 минут кыздырып алабыз. Салам туралган болгар борычы, тоз салабыз, барысын бергә болгатып, 2-3 минут утта тотабыз. Аннары сөт өсте салып, вак итеп туралган яшеллек сибәбез һәм әзер булганчы, 20 минут чамасы томалап пешерәбез. Иң азактан кыргычтан чыгарылган сыр сибәбез.

Тәмле булсын, дуслар!

Фото: tekhnolog.com