“Дагалар”печеньесы

Кирәкле ингредиентлар:

120 мл кефир;

1 йомырка;

50 мл үсемлек мае;

40 гр шикәр;

270 гр он;

1 чәй калагы камыр көпшәкләндергеч;

чеметем тоз, ванилин.

Әзерләү барышы:

Тирән савытта йомырка, кефир һәм үсемлек маен яхшылап болгатабыз. Шикәр, тоз, ванилин өстибез. Сыек массага он, камыр көпшәкләндергеч кушып, йомшак кына итеп камыр басабыз һәм 20-30 минут ял иттерәбез.

Камырны юка итми генә җәябез.  Киңлеге – 2, озынлыгы 8 см чамасы булган буйлар кисеп чыгабыз.

Һәр тасманың бер ягын шикәргә манып алабыз һәм, дага формасы биреп, пергамент кәгазьгә салабыз.

Печенье 180°C температурада җиңелчә алсу төскә кергәнче, якынча 15-20 минут пешә.

Тәмле булсын, дуслар!

Фото: souspark.ru