Әбиләр чуагы китә...

Синоптиклар хәбәр итүенчә, көзнең "әбиләр чуагы" дигән матур мәле белән хушлашырга туры киләчәк.

"Салкын төннәргә карамастан, көндез һава температурасы +17,+24° ка кадәр күтәрелде. Әмма ял көннәрендә һава торышы акрынлап үзгәрәчәк», – дип хәбәр итә Башкортстанның гидрометеорология үзәге.

Җылы, аяз көннәр китергән антициклон акрынлап көньякка китә, шуңа күрә якын арада яңгырлар башланачак. Ял көннәрендә көндез һава температурасы сизелерлек үзгәрмәячәк һәм 18-24° чикләрендә калачак, төнлә +7,+12°, урыны белән +2 градуска кадәр түбәнәячәк.

Алдагы атна башында яңгырлар көтелә һәм температура төшәчәк. Бу атна белән чагыштырганда, температура фоны +20 градустан түбән булачак.