Кышкы пәлтәләрне кияр чак җитте!..

Башкортстанның гидрометеорология һәм әйләнә-тирә мохитне мониторинглау үзәгеннән хәбәр итүләренчә, алдагы көннәрдә суытачак.

Синоптиклар мәгълүматларына караганда, 19 октябрьдә төнлә урыны белән карлы яңгыр явуы көтелә. Көндез явым-төшемсез. Җил төнлә талгын, көндез көнчыгыштан талгын.

Һава температурасы төнлә 0дән плюс 5 градуска кадәр, төньяк районнарда минус 5 градуска кадәр. Көндез 1дән 6 градуска кадәр җылылык көтелә.

20 октябрьдә республикада явым-төшемсез булачак. Җил көнчыгыштан, көньяк-көнчыгыштан талгын. Һава температурасы төнлә 0дән минус 5 градуска кадәр, урыны белән минус 10 градуска кадәр суытачак. Көндез 2дән 7 градуска кадәр җылы булуы көтелә.