Көчле салкыннар килә...

Синоптиклар фаразлавынча, киләсе атна башында ук термометр күрсәткече минус 32 градуска кадәр төшәчәк.

Бүген, 9 февральдә, аерым районнарда бераз кар явачак. Юлларда бозлавык. Җил төньяк-көнбатыштан, көнбатыштан талгын. Һава температурасы төнлә -20,-25°, аязытканда -30°, көндез -10, -15°.

Дүшәмбе, 10 февральдә, урыны белән кар явуы, буран, юлларда бозлавык булуы көтелә. Шулай ук кар сырынтылары салуы ихтимал. Җил көнбатыштан, көньяк-көнбатыштан талгын, иртән һәм көндез көчәючән булачак. Һава температурасы төнлә -21,-26°, аязытканда -32°, көндез -7,-12°.