Быел яз аномаль булачак, диләр...

Русия Гидрометеорология үзәге фәнни җитәкчесе Роман Вильфанд әйтүенчә, быел яз аномаль җылы кыш аркасында иртәрәк киләчәк. Метеоролог сүзләренә караганда, кар ныгып өлгермәде, ә сулыклар калын боз катламы белән капланмады, иртә яз килү дә беренче чиратта шуның белән аңлатыла.

Шулай да белгеч әйтүенчә, мартның кайбер көннәрендә 10 градуска кадәр салкыннар булырга мөмкин. Язның беренче аенда кар явуларга да, һава температурасының түбәнәюенә дә әзер торыгыз.