Башкортстанга аккошлар кайтты

Башкортстанга көньяктан беренче аккошлар кайтты. Кошлар Күгәрчен районының Югары Биккүз авылы янында Агыйдел елгасына ял итәргә туктаган. Бу хакта “Башкирия” милли паркы хезмәткәрләре хәбәр итә.

Гадәттә, аккошлар кышлаудан апрель урталарында кайта торган булган. Аларның иртәрәк әйләнеп кайтулары төбәктә урнашкан җылы һава торышы белән бәйле, ди белгечләр.