+18 °С
Болытлы
Журналга язылу
Барлык яңалыклар

Сак булыгыз, көчле җил көтелә!

Синоптиклар алдагы ике көндә һава торышының кискен үзгәрүен фаразлады.

Гадәттән тыш хәлләр министрлыгының Башкортстан буенча Баш идарәсе республика халкын һава торышының кискен начараюы турында кисәтә. Ведомство матбугат хезмәте мәгълүматлары буенча, төбәкнең көнбатыш территориясендә көндез секундына 15-20 метрга кадәр җитәчәк көчле җил булачагы фаразлана.
Республиканың көнчыгышында 7 апрельдә иртән һәм көндез урыны белән секундына 21-26 метрга кадәр көчле җил, төнлә һәм иртән буран, юлларда бозлавык көтелә.
Республиканың көнбатышында һава температурасы төнлә -4, -9, көндез 0, +5 градус булачак. Төбәкнең көнчыгыш яртысында көндез -2, +3, төнлә -1,-6, градуска кадәр суытачак.
Уфада алдагы көннәрдә аязучан болытлы һава көтелә, көндез юеш кар явачак. Җил төньяктан, төньяк-көнбатыштан, иртән һәм көндез урыны белән секундына 15-20 метрга кадәр җитәчәк.
Фото: bash.news
Читайте нас: