Сагынып көткән җәй җитәме әллә?

Башкортстанга салкын күңелсез көннәрдән соң, ниһаять, акрынлап җылы һава торышы кайта. Киләсе ялларда республиканың көньягында +29 градуска кадәр җылытачак.

Башгидрометүзәк синоптиклары мәгълүматларына караганда, төбәкнең барлык районнарында шимбә һәм якшәмбе көннәрендә кыска вакытлы һәм яшенле яңгырлар көтелә. Төнлә термометр баганалары +7, +12 градуска кадәр төшәчәк, көндез һава +20, +29 градуска кадәр җылыначак.

Уфада шимбә яңгырлы да, җылы да булачак. Һава температурасы көндез +18дән +21 градуска кадәр күтәрелә. Якшәмбе, 24 май көнне, тагын да эссе +24, +26 градус булачак.